ISIS இலங்கையில் ஊடுருவியுள்ளதால் இலங்கை முஸ்லீம்களையும் ISIS ஆகப் பார்க்கும் அபாயம் ஏற்படலாம் !

இதை முடியுமானவரை எமது முஸ்லிம் சமூகத்திற்கு எத்திவைக்கவும் .

அன்மையில் இலங்கையைச்  சேர்ந்த ஒரு முஸ்லிம் சகோதரர்  ISIS உடன் சேர்ந்து போராடி மரணித்தார்   இது நாங்கள் அறிந்தவையே .  இவர் ISIS உடன் சேர்ந்து போராடி மரணித்ததால்  முழு இலங்கை  முஸ்லீம்களையும் ISIS ஆகப் பார்க்கும்  நிலை இன்று  ஆரம்பித்துள்ளது .

அந்தவகையில் இன்று இலங்கைப் புலனாய்வுத்துறை  இதை மிகக் கவனமாக ஆராய்ந்து வருகின்றது . இதனால் எதிர்காலத்தில் இலங்கை முஸ்லிம்களுக்கு தனது மார்க்கத்தைப் பின்பற்றுவதிலும் , இலங்கையில் சுதந்திரமாக  வாழ்வதிலும் இலங்கை அரசு சில நடைமுறைப் பிரச்சினைகளைக் கொண்டுவரலாம் .

இலங்கையில் ISIS இன் ஊடுருவல் இருந்தமையால் என்ன வகையான பிரச்சினைகள் இலங்கை முஸ்லிம்கள் எதிர்கொள்ளக் காத்திருக்கின்றார்கள் ?

==============================

01)  இலங்கையில் இருக்கும் தஃவா நிறுவனங்களில் ஜிஹாத் பயிற்சிகள் இடம்பெறுகின்றதா ? என புலனாய்வுத்துறையின் கண்கானிப்பு அதிகரிக்கும் .

01) வெளிநாடு சென்று வந்ததவர்கள் ஜிஹாத் போர் பயிற்சி பெற்றுள்ளார்களா ? என அவர்களை துருவி ஆராய அரசு ஆரம்பிக்கும் .

03) பள்ளிவாசல்கள் மற்றும் அரபு மத்ரசாக்களில்  ஜிஹாத் பயிற்சி கொடுக்கப் படுகின்றனவா என்று விஷேட அதிரடிப்படையினரை நியமித்து அவர்களை உற்று நோக்கும் .

04) செல்வந்தர்களின் மற்றும் முஸ்லிம் வர்த்தகர்களின்  சொத்துக்கள் ஜிஹாத் அமைப்புக்களுக்கு கொடுக்கப்படுகின்றனவா என்று அவருடைய சொத்துக்கள் பகுப்பாய்வு செய்யப்படும் .

ஹபீஸ் அப்துல் முத்தலிப் (பாதிஹ் )
வரிப்பத்தான்சேனை